Ito po ay para sa mga naghahanap ng suring basa para sa mitolohiyang CUPID AT PSYCHE...Pang Grade 10 pong Suring Basa ito...gusto ko lang po itong i-share sa inyo... Ako po si Micaela Sheerlove Mari B. Creus, Grade 10-Diego Silang sa paaralang Trece Martires City National Highschool.....(SY. 2017-2018) Sa mga schoolmate ko magcomment na lang kayo kung gusto nyo....:)))))))

1. CUPID AT PSYCHE

2. I. PANIMULA
Madalas marinig ang matalinghagang pahayag na
“Kung ikaw ay nasa Rome, gawin mo kung ano ang
ginagawa ng mga taga-Rome.” Sumasalamin lamang ito
sa kultura ng mga taga- Rome kung saan
pinakikinabangan at pinagyayaman ang mga kaisipan,
kabihasnan, sining, at panitikang hinalaw nila mula sa
mga lugar na kanilang sinakop. Isang patunay nito ay ang
kanilang mitolohiya ng taga- Rome.
Bagaman ang mga ito ay halaw lamang mula sa mga
Greek, binigyan ito ng bagong mukha at lalong
pinagyaman ng mga taga-Rome. Sa kasalukuyan, ang
mga mitolohiyang ito ang pinagbatayan ng mga kaisipan
sa iba’t ibang larangan tulad ng pilosopiya, astrolohiya,
sining, at panitikan sa buong daigdig.
II. PAGSUSURINGPANGNILALAMAN
a. Paksa/Tema
- Ang tema ng akda ay tungkol sa pagpapatatag ng
relasyon na may pag-ibig at tiwala.

3. b. Simbolismong ginamit sa akda
- Pag-ibig (Cupid) - Kaluluwa (Psyche)
Ang buong kuwento ng "Cupid at Psyche" ay makikita
bilang isang alegorya, o simbolikong kuwento, para sa
pakikibaka ng kaluluwa ng tao upang maabot ang walang
hanggan at lubos na kaligayahan.
Ang gusto ni Psyche na higit pa sa anumang bagay ay
ang muling makasama ang kanyang asawa na si Kupido,
ang diyos ng pag-ibig at pagnanais. Sa katapusan, siya ay
nagantimpalaan ng kanyang pag-ibig pati na rin ang
buhay na walang hanggan.
Sinusubukang ipakita sa kwento na ang lahat ng mga
kaluluwa ng tao ay nananabik sa walang hanggang pag-
ibig at lubos na kaligayahan, ngunit ito ay maaari lamang
makamit sa pamamagitan ng pakikibaka at paghihirap.
Marahil ang mga paghihirap at pagsubok na ito ang
paraan upang kilalanin ang lubos na kaligayahan.
c. Uri ng akda
- Kwentong Mitolohikal
d. Kulturang masasalamin sa akda
- Masasalamin mo sa akda ang kultura ng mga taga
Gresya /Roma. Makikita mo sa akda kung paano nila
pinapahalagahan ang pag-iibigan sa isa’t isa. Para sa
kanila titibay ang isang relasyon kung kaagapay ng pag-
ibig ang tiwala .

4. III. PAGSUSURINGPANGKAISIPAN
Ang “Cupid at Psyche” ay itinampok bilang isa sa mga
pinagmulan na mito mula sa Rome. Makikilala mo ang
iba’t ibang diyos at diyosa na pinaghugutan ng inspirasyon
ng iba’t ibang manunulat ng panitikan sa buong daigdig.
Ang mitong ito ay tungkol sa pag-iibigan ng Diyos ng pag-
ibig na si Cupid at ang dalagang mortal na ubod ng ganda
na si Pscyche. Binigbigyang-diin dito ang mensaheng,
Ang pag-ibig ay hindi nabubuhay kung walang tiwala.
a. Pahiwatig at mga kahulugan nito
- Dapat nating hindi sukuan ang anumang pagsubok
lalo na kung sa ating minamahal…
b. Katotohanan at implikasyon sa buhay
Ang pagsasakripisyo, pagtitiwala at pagmamahal ng
isang tao ang ilan sa mga katotohanang pinakita sa
kwentong “Cupid at Psyche”
c. Kasiningan sa pagpapahayag ng kaisipan
Ang kasiningan sa pagpapahayag ng kaisipan sa
akdang "Cupid at Psyche" ay paggamit ng mga diyos at
diyosa at mga "supernatural" na pangyayari na may mga
nakatagong kahulugan.