1. IRALEren aurtengo deialdiak noiz-nola: Sailaren berri-ematea
Herri-ikastetxeko zuzendari jauna edo andrea:
IRALEri buruzko informazioa ematera natorkizu, zure ikastetxeko irakasleak (eta, halakorik balego,
Hezkuntza Bereziko hezitzaileak) jakinaren gainean jar ditzazun eskatuz. Beraiei ere antzeko idazkia
bidaliko diegu irakasle.net bidez, baina baliteke irakasle edo hezitzaile batzuek helbide hori ez izatea eta
zure oharra mesedegarri gertatzea. Horra beraz informazioa, labur-labur:
Urteroko moduan, datorren udan edo datorren ikasturtean IRALEn parte hartu nahi duten EAEko
irakasleek edo Hezkuntza Bereziko hezitzaileek beren eskabidea egiteko epea hurbiltzen ari da.
Lehenengo deialdia, bereziki, otsailaren bigarren hamabostaldian egin izan da azken urteotan. Aurten
beranduxeago egingo da. Motiboa hau da: IRALEko eskabideak online egiteko prestatzen ari gara azken
hilabeteotan. Horren arabera, 2012ko udan edo 2012-13 ikasturtean IRALEn parte
hartzeko eskabidea online egin ahal izango dute EAEko da, Hezkuntza Ordezkaritzara joan beharrik izan
gabe. Hartarako aurrelanak aurrera doaz eta, azken orduko ustekabe handirik gertatzen ez bada, hala egin
ahal izango dute irakasle (edo hezitzaile) gehienek. Guzti-guztiekin ezingo da horrela egin, lehen urte
honetan bereziki: guztiek ez dute irakasle.net helbidea. Baina gehienek bai eta, horregatik, online bidea
zabalik izango dute.
Horrezaz gainera, berrikuntza teknikorik ere bada aurtengo ekitaldian, garaiz jakitea komeni zaizuena.
Hona beraz, besterik gabe, kontu horien guztien berri ematen duen azalpena:
a) 2012ko udan edo 2012-13 ikasturtean IRALEn parte hartzeko eskabidea egiteko deialdia
martxoan izango da aurten. Urteroko lehen deialdia da hori: irakasle (eta Hezkuntza Bereziko
lan-legepeko hezitzaile) gehien-gehienentzako deialdia[1].
b) Konkretuki, aurtengo lehen deialdia martxoaren 12tik 23ra (egun biak barne) izango da. Egun
horietan egin behar da eskabidea (izen-ematea).
c) Irakasle.net-eko helbide pertsonala duten irakasle guztiek online bidez egin ahal izango dute
eskabidea: online-bide hori erabiltzea gomendatzen diegu. Horretarako, jo bezate helbide
honetara:
www.irakasle.net>irakaslegunea>Administrazio-izapideak
>IRALE ikastaroak 2012-2013.
d) Helbide pertsonal hori ez dutenek ere horrela egin ahal izango dute, Irakaslegunean alta
emanez. Berri-emate honen amaieran azaltzen da, Irakaslegunean sartu eta alta emateko zer
egin behar duten.
e) Zer sartzen da martxoko deialdi honetan? Batetik, irakasle finkoentzako irakastordu barneko
ikastaroak (liberaziokoak): bai HE1 edo HE2 ateratzeko urte osoko U ikastaroak edo urte
erdikoak, eta bai HE2tik edo EGAtik gorako R ikastaroak). Bestetik, irakastorduz kanpoko
ikastaroak (A, E, H, I,..), irakasle finkoentzat eta ez-finkoentzat. Berariaz azpimarratu nahi dugu
azken puntu hori: pertsonal ez-finkoak ere ORAIN, martxoko deialdi honetan, eskatu
behar ditu irakastorduz kanpoko ikastaroak (A, E, H, I,..).
f) Gero, maiatz aldera, etorriko da IRALEren bigarren deialdia: herri-ikastetxeetako pertsonal
ez-finkoak irakastordu barneko ikastaroak (3000, 4000, 5000, 4000+5000, R) eskatzeko deialdia
da bigarren hori. Deialdi hori ere onlineaplikatzeko lanean ari gara.
g) Eskabidea egingo duten irakasle eta hezitzaile gehienek nork bere e-postan jasoko dute, bere
unean, IRALEn parte hartzeko onartuak izan direlako abisua eta, hala dagokionean, matrikula-
orria.
h) Irakasle finkoek badute aurten, R ikastaroei dagokienez, berrikuntza argirik: lehendik bi R
eginik dituztenek (berdin du zein R diren bi horiek) hirugarren R (diferente) bat eska dezakete
orain, 2012-13an egiteko.
i) Hori guztia 2012-13rako Aurkezpen Txostenetan zehaztu da. Laster izango duzue
guztiok Aurkezpen Txosten hori eskueran. Konkretuki, ondoko helbide honetan:

2. www.hezkuntza.ejgv.euskadi.net/euskara.
Esan bezala, eskertuko nizuke zure ikastetxeko irakasleei deialdia noiz den eta hirugarren R ikastaroa
eskatzeko aukera zabalik dela jakinaraztea. Asko eskertuko nizuke, orobat, eskabidea ahal
delarik online bidez egin dezaten gomendatzea.
Besterik gabe, eta aldez aurretik eskerrak emanez, har ezazu ene agurrik zintzoena.
Gasteizen, 2012ko martxoaren 2an
Cándido Hernández Garduño
Hezkuntza Berriztatzeko zuzendaria
- SARBIDEA: https://posta.irakasle.net/publico/IRAKASLEGUNEAN SARTZEKO MODUA2.pdf
- Resumen (castellano): https://posta.irakasle.net/publico/IRAKASLEGUNEAN SARTZEKO
MODUA_gaztelaniaz.pdf
- ACCESO: https://posta.irakasle.net/publico/erdal jakinarazpen laburra.pdf
[1]
Gero etortzen da beti, eta hala etorriko da aurten ere, herri-ikastetxeetako bitarteko irakasleentzako deialdi berezia. Kolektibo
horrek ere lehen deialdi honetara jo behar du ordea, ez bigarrenera, irakastorduz kanpoko ikastarorik eskatu nahi badu.