1. UmNyango wezokuThuthukiswa koMphakathi
usimamisa impilo yentsha
Ezinye zezinhlelo ezahlukahlukene zomNyango wezokuThuthukiswa koMphakathi, yilezo
ezimayelana nemizamo yokuthuthukisa intsha kulesiFundazwe saKwaZulu-Natali.
Kuyinhloso yaloluhlelo ukusiza intsha ukuba ikwazi ukuzikhulisa ngokusebenzisa izakhikwo
zayo, ama-forum kanye nezinhlangano ezingenzi nzuzo ezaziwa ngama NPO ukuze kukhuliswe
inani lentsha eyingxenye yohlelo luka zwelonke lokuthuthukisa amakhono oluhlanganisa ne-
National Skills Development Programme.
Yingakho-ke eminyakeni emibili edlule umNyango uye waqamba uhla olubhekene
nokuthuthukiswa kwentsha olusebenza ngaphansi kwe Chief Directorate yalomNyango ebhekene
noCwaningo kanye nokuhleleka kwezinhlelo zomNyango.
Loluhlaka olubhekene nokuthuthukiswa kwentsha lwakhiwe ngokuyalelwa umNyango ezingeni
lika Zwelonke. Lomyalelo kaZwelonke ulandela ukubonakala kwesidingo sokuba kulungiswe
izimilo, kunikwe intsha amakhono okukwazi ukuziphilisa ukuze nayo ikhule kwezomnotho.
Inhloso ukwakha intsha ezokwazi ukuzimela emphakathini ukuze kuliwe nobuphofu, ukuntuleka
kwemisebenzi kanye nokuba wuvanzi kwentsha. Luqonde ukuba kunqandwe ukusetshenziswa
kwezidakamizwa, ukuphuzwa kotshwala okweqile, ukukhulelwa kwentsha ingakwazi
ukuqhubeka nokufunda esikoleni, ukwanda kwabantu ngesivinini esiphezulu, ubelelesi,
ukuhamba kwabantu emhlabeni kungakabi isikhathi esifanele, nokunye okufana naloku.
Ukuphumelela kwalezinhlelo zokungenelela kuncike ekukwazini kwabantu ukwenza okuthile
ngezinselelo ababhekene nazo ezingeni likaHulumeni waseKhaya, esiFundeni kanye
nasesiFundazweni, ngokubambisana noHulumeni baseKhaya, izakhiwo zentsha, ama-forum,
izinhlangano zomphakathi nezinye izakhiwo ezizimele nezaHulumeni, ikakhulukazi umNyango
wezeMfundo Ephakame nokuQeqeshwa ophethe izikhungo zemfundo ezaziwa ngama FET
ezihamba phambili ekulawuleni ukuqeqeshwa kwentsha.
Loluhlelo lwentsha luhlose loku:
 Ukuthinta izimpilo zentsha yesifazane neyesilisa engawatholi amathuba emisebenzi;
 Ukuthinta izimpilo zentsha engakwazi ukubhekana nezinselelo ezenza impilo yayo ingayi
phambili;
 Ukuthinta izimpilo zentsha enomlando wokuphambana nomthetho;
 Ukuthinta izimpilo zentsha eyizisulu zophuzo oludakayo, ukusetshenziswa
kwezidakamizwa okweqile kanye nentsha ephila negciwane lesandulela ngculaza i-HIV
kanye ne AIDS.

2. Ngaphansi kwaloluhlelo kwenzeka loku:
 Ama youth camps kanye nama dialogues (izingxoxo lapho kudingidwa khona izinselelo
ezikhungethe intsha nemiphakathi ephuma kuyona kwenziwe izincomo zokulungisa
isimo);
 Ukwenza isiqinisekiso sokuthi ukuthuthukiswa kwamakhono entsheni kuyenzeka,
ikakhulukazi ukuqalwa kwezikhungo zokuthuthukisa amakhono ayo, ikakhulukazi ama
Youth Skills Development Centers nama Youth Academies;
 Ukuthola ukuthi iziphi izinto ezenziwa intsha esezikufanele ukuba zinikwe imali
zisebenze njengama NPO;
 Ukwethula intsha ohlelweni lukaZwelonke olwaziwa nge National Youth Service (NYS),
egxile emsebenzini yokwenza ngcno imiphakathi, ukusebenza komphakathi, nokwenza
isiqinisekiso sokuthi abasebenzi kukhona abakutholayo ukuze bakwazi ukuzibheka
ngenkathi besaqeqeshwa;
 Ukulekelela ekutheni intsha ithole amakhono okuba ikwazi ukuziphathela amabhizinisi;
 Ukusiza izingane kanye nentsha esengcupheni yokuba ingalutholi usizo,
njengezintandane kanye nezingane nentsha elahlwe abazali;
 Ukunikezela ngamathawula emantombazaneni ngokuhlanganyela nabanye abangakwazi
ukwenza loku ukusiza abantwana besikole abayama ntombazne aphuma emindenini
engeke ikwazi ukubathengela lamathawula baze bagcine sebengayi esikoleni.
Okungaxhumanwa nabo mayelana naloluhlelo:
Ezingeni laHulumeni waseKhaya noweziFunda:
IHhovisi lesiFunedazwe olubhekene nokuthuthukiswa kwentsha:
The layout design person to receive the following pictures:
Proposed Picture Selection
1. Scabazini skills development symbols, including drill with MEC;
2. Youth Camps pictures, latest and previous ones including MEC;
3. Youth Dialogues pictures;
4. Lamontville NPO;
5. Sanitation Towels;
6. Premier’s latest youth engagement.