2. Օղակավոր որդերը եռաշերտ, երկկողմանի համաչափությամբ
կենդանիներ են: Նրանք ունեն երկրորդային խոռոչ , որն
առաջացնում է ազատ տարածություն մարմնի պատերի և
մարսողության համակարգի միջև, և այնտեղ տեղավորված են
ներքին օրգանները: Նրանց մարմինն հատվածավորված է:
Մարմնի արտաքին հատվածավորումը համապատասխանում
է նաև ներքին խոռոչի հատվածավորմանը, ուր հատված առ
հատված կրկնվում են օրգան համակարգերը: Երկրորդային
խոռոչը լցված է խոռոչային հեղուկով, որի քիմիական
բաղադրությունը բավականին կայուն է, և այստեղ են
կատարվում օրգանիզմի գրեթե բոլոր ֆունկցիաները:
Մաշկի տակ գտնվում են օղակաձև և երկայնաձիգ
մկանները: Օղակավոր որդերի մարմնի յուրաքանչյուր
հատվածի կողքերից դուրս են գալիս մեկ զույգ ելուստներ՝
պարապոդիումներ, որոնք իրենց վրա կրում են
խոզաններ:Դրանք շարժման օրգաններն են:
3. Մարսողության համակարգը սկսվում է
գլխային հատվածի փորային մասում գտնվող
բերանից, այն ձևափոխվում է մկանոտ կլանի,
ապա կերակրափողի, որի մեջ բացվում են
կրային գեղձերի ծորանները, այնուհետև՝
կտնառքի: Այդտեղից սնունդն անցնում է
խողովակաձև աղի, և մարսողության
արգասիքները թափվում
են դուրս հետանցքով :
Նյարդային համակարգը ներկայացված է
շուրջկլանային նյարդային օղակով և փորային
նյարդային շղթայով, որը յուրաքանչյուր
հատվածում հանգույց է առաջացնում:
4. Արյունատար համակարգը փակ է: Այն կազմված է
մեջքային և փորային անոթներից: Արյունը մարմնի
առջևի հատվածներում գտնվող օղակավոր անոթների
պատերի ռիթմիկ կծկման ու թուլացման շնորհիվ
մեջքային անոթով մարմնի հետևի մասից շարժվում է
առաջ, իսկ փորայինով հետ:
Շնչառության համակարգը բացակայում
է:Գազափոխանակությունը կատարվում է ամբողջ
մարմնի մակերևույթով:
Արտաթորության համակարգը յուրաքանչյուր
հատվածում տեղադրված զույգ ձագարաձև
խողովակներ են: