1. Тамхинаас гарах арга:
Тамхинаас гаргахын тулд никотин орлох үйлчилгээтэй
бэлдмэл хэрэглэх, сэтгэл заслын эмчилгээ, ховсдох
эмчилгээ, зүүний эмчилгээ, лазерийн эмчилгээ зэрэг
олон төрлийн эмчилгээг ашигладаг. Энэ удаад лазерийн
эмчилгээний тухай тодруулъя.
Лазрийн эмчилгээ нь АНУ-аас үүдэлтэй бөгөөд анагаах
ухаанд 35 жилийн өмнөөс ашиглаж эхэлсэн байдаг.
АНУ, Канад, Австри зэрэг улсуудад үр дүнгээ маш сайн
өгөөд байгаа. Энэ эмчилгээ нь төв мэдрэлийн системд
байдаг цэгийн цочролыг тайвшруулж өгдөг бөгөөд хүний
чихэн дэх олон төрлийн мэдрэлийн цэгүүдийг зөөлөн
лазерын аргаар палкатлуулах аргаар эмчилнэ. Тамхинд
донтох гэдэг нь хүний бие махбод, сэтгэцэд хараат
байдал үүссэнийг илтгэнэ. Өдөрт тийм ширхэг тамхи
татах, хоол идсэний дараа татах, уурласан үедээ татах
зэрэг нь тамхинаас хараат байдалд орсны шинж юм.
Уураг тархинд зуршлаас үүдэн голомт бий болсон
байдаг. Үүнийг тайвшруулах, унтуулах, мэдрэлийн
сэтгэцийн цочирлуудыг дарахыг палкат хорих гэж
байгаа юм. Хүн тамхинаас гарснаараа ямар нэг сөрөг
нөлөөнд ордоггүй. Харин шууд эерэг үр дүнд хүрч
байдаг. 24 цагийн дараа гэхэд хүний цусан дахь
никотины түвшин буурч эхэлнэ. Харин 7 хоногийн дараа
хүний биед байдаг хүчил төрөгч хангагдаж,
нүүрсхүчлийн хий багасаж эхэлнэ. Энэ утгаараа хүний
бүх эд эрхтэн, зүрх судас, амьсгалын эрхтнүүд
хүчилтөрөгчөөр баяжигдаад ирэхээрээ тэжээл сайн
болно гэсэн үг. Амьсгалах үйл ажиллагаа чөлөөтэй
болно, ханиалгахаа болино. Харин сарын дараа тухайн
хүний царай зүс өнгө засдаг. Өөрөөр хэлбэл хүний
эрүүл цус гүйгээд ирэхээр арьсанд очих тэжээл
сайжирна. Мөн амтлах, үнэрлэх мэдрэхүйнүүд
сайжирдаг. Янз бүрийн хавдарт өртөх эрсдэл ч бүрэн
арилдаг байна.