1. El seme e l'alber
L'è pinin, el seme
A volt minuscol o invisibil ai ecc
Leger e silenzios i al sent miga gnianca i nost orecc

2. Quant l'è l’ora el croda dal frùtt marú
E portò dal vent in su e in giù
El po’ finii a tocaa tera,
O sora em sass o su la géra

3. El sa fa anca portàa in gir
Da i avìc o altri incolpevoi bésccit
Fin a trovaa un fiuu
Chél sia bel o brut
El ga miga importanza
Basta che el sia chèl giust

4. El seme el contegn già l'alber intréch
Se no come el pódresa ves chél che el diventerà?
El ga bisegn l'ambient giust
Un pòo de acqua, tera bona e el germoglierà

5. L`è cresù, dì dopo dì, an dopo an
Semprò pusée fort, in alt
El pò miga naa lontan

6. I radis i al tegn ligò a la tera
La so tera, lì el scta ben
I ram e i fèi i ach da l'aria altera
E d'estat el par pusée pien

7. La calura e l'afa esctiva
I la facc sudaa
E un quai can che alzò la gamba par piscaa
El la facc anca rabbiaa

8. La visct anca amanti che sa giurava amor eterno
Cercaa ombra
E frescura sot a la so fronda

9. E i pup che giugava a scondes
Che I ag girava in gir; che baraonda!

10. La ga facc da cà a un infinità de orscei
E l’autun el ga regalò i color pusée bei

11. L'è cresù ben, el ga avuut anca un póo de furtuna
La resisctit al vent, la superò i bufér
I temperaduur rigid de l'invern
E la soportó el pes de la nev

12. Dopo tanto temp
Adess l'è el so moment!
L'è marú, l'è fioriit,
la facc el frùtt anca lù
Marù el frùtt, la facc el seme
Anca el contadin la dicc, bene!

13. E la storia la ricumincia
Stagion dopo stagion, an dopo an
Fin a la fin, quant el perderà tucc i so ram
L'è el circol dela vita, miga doma par l'alber
Ma anca par l‘esser uman
Gil