Arte Hezkuntzarako baliabideak Lehen Hezkuntzarako Recursos para educación artística de Primaria

1. IRALE 2014-2015 Itzalai Alberdi Mujika
ARTE-HEZKUNTZA
LEHEN HEZKUNTZAKO 2.ZIKLORAKO
BALIABIDEAK
ZER AURKITUKO DUT HEMEN?
Lan honetan zehar, plastikako klasean erabili ahal izateko
eskulanak aurkituko dituzu. Lehen Hezkuntzako 2.Ziklorako
pentsatuak daude, baina beste maila batzuetarako ere baliagarriak
izan daitezke.
Eskulanak gehienek material ezberdinen berrerabilpena dute
helburu. Material hauek, edozeinek bere etxean aurki ditzakeenak
dira.
Antolaketari dagokionez, erabiliko ditugun materialaren arabera
sailkatuta daude, adibidez; botoiekin egindako gauzak, komuneko
kartoizko tutuekin egindakoak, txotxekin eta abar.
ZIKLOKO HELBURUAK
 Plastika-baliabide eta -teknika desberdinak erabiliz adieraztea
eta komunikatzea.
 Ekoizpen artistiko kolektiboak egitea modu kooperatiboan.
 Konfiantza izatea eta saiatua izatea ekoizpen-artistiko
pertsonalak egiteko orduan.
 Norbere eta besteen ekoizpenak errespetatzea eta iritzi kritikoa
adieraztea.
ZIKLOKO GUTXIENEKO HELBURUAK
1. Norberaren eta besteen ekoizpenak errespetatzea.
2. Saiatua izatea ekoizpenak burutzerakoan.
3. Plastika-teknika desberdinak erabiltzea.
4. Norbere ekoizpenen bidez zerbait adierazteko gai izatea.

2. IRALE 2014-2015 Itzalai Alberdi Mujika
BOTOIEKIN EGINDAKO ESKULANAK
Botoiekin egindako egutegia
ZER BEHAR DUGU?
 Marko bat
 oihal puska bat
 kola
 txintxetak
 botoiak
 feltroa
NOLA EGITEN DA?
- Lehenengo markoa forratuko dugu aukeratu dugun oihalarekin.
- Ondoren, zenbakiak kartulina batean inprimatuko ditugu eta

3. IRALE 2014-2015 Itzalai Alberdi Mujika
banaka moztuko ditugu.
- Botoi bakoitzean zenbaki bat itsatsiko dugu.
- Kontuan izan 7 zutabe eta 6 ilara egin behar dituzula botoiekin
eta hilabetearen izena jartzeko tokia utzi behar duzula, beraz, joan
zaitez frogak egiten itsatsi aurretik.
- Botoiak non kokatuko dituzun erabaki duzunean, marka ezazu
errotuladore batekin dagokion tokia.
- Botoi bakoitzaren atzealdean txintxeta bat itsatsi.
- Azkenik, dena muntatu:hilabetearen izena, asteko egunak eta
zenbakiak.
- Markoaren atzealdean gutun-azal bat itsatsi dezakezu sobratzen
diren hilabete eta zenbakiak gordetzeko.

4. IRALE 2014-2015 Itzalai Alberdi Mujika
Botoiekin egindako katilua
ZER BEHAR DUGU?
 Kolore eta forma ezberdinetako botoiak
 Kola gardena
 Aluminiozko papera
 Ontzia edo katilu handi bat (molde bezala erabiliko duguna)
NOLA EGITEN DA?
1- Ontziaren barrualdea aluminiozko paperarekin bildu
2- Beheko aldean kola jarri eta hasi botoiak itsasten, bata
bestearen ondoan.
3- Ontziaren barrualde guztia botoiez bete.
4- Ontzia nahi dugun tamainakoa denean, forma ezberdina
duten botoiak hartu eta azken ilara bat osatu hauekin, hori
izango baita ontziaren bukaera.
5- Utzi kola ondo lehortzen.
6- Jarri kola botoi guztien gainean, hobeto itsasteko, eta
hatzarekin igurtzi, horrela ontzia erresistenteagoa izango da.
7- Aluminiozko papera kendu.

5. IRALE 2014-2015 Itzalai Alberdi Mujika
Gabonetako postalak botoiekin
Gabonetako postal hauek oso politak eta originalak dira.
Ikasleekin egiteko aproposak dira, ez baitugu material gehiegi
behar.
ZER BEHAR DUGU?
 botoiak: berdeak eta gorriak, horiek baitira gabonetako
koloreak.
 kartoi meheak (kartulinak)
 oihalak, apaingarri gisa erabiliko ditugunak.
 kola gardena
 feltroa
NOLA EGITEN DA?
Forma askotarikoak egin ditzakegu; gabonetako zuhaitzak, elur
panpinak, Bizar Zuriak, eta abar. Argazkietan uzten dizkizuet eredu
batzuk.

6. IRALE 2014-2015 Itzalai Alberdi Mujika
KOMUNEKO EDO SUKALDEKO KARTOIZKO
TUTUEKIN EGINDAKO ESKULANAK
LOREAK
ZER BEHAR DUGU?
 komuneko kartoizko tutuak. Lore bakoitzeko bat erabiliko dugu.
 margoak
 barra-kola
 soka
 guraizeak
NOLA EGITEN DA?
1. Lehenik, eskuekin kartoizko tutua zanpatu behar dugu, eta 1
cm-ko zabalera duten marrak marraztu behar ditugu, irudian
ageri den bezala.
2. Ondoren, tutua moztu egin dituzun marretatik. Lore bakoitzeko
bost tira beharko dituzu.
3. Jarraitzeko tirak elkarren artean itsatsi, albo batean kola
emanez.

7. IRALE 2014-2015 Itzalai Alberdi Mujika
4. Hatzamarrekin zanpatu ondo itsatsi dadin.
5. Petaloen forma eman ahal izateko, tirak zabalduz joan,
hatzamarrekin biribilduz.
6. Tira guztiak itsatsi ondoren, soka pusketa bat hartuko dugu
lorea zintzilikatu ahal izateko. Ikus irudia.
7. Bukatzeko, tenperaz margotu petaloak eta lehortzen utzi.

8. IRALE 2014-2015 Itzalai Alberdi Mujika
Goxokiak gordetzeko kutxak
ZER BEHAR DUGU?
 komuneko kartoizko tutuak. Kutxa bakoitzeko bat erabiliko
dugu.
 tenperak
 belakia
NOLA EGITEN DA?
1. Lehendabizi alboak barrualdera tolestuko ditugu, forma har
dezaten.
2. Ondoren alboak zabalduko ditugu, tutuak duen berezko
formara bueltatuz.
3. Tenperekin tutua margotuko dugu eta belakiaz baliatuz, beste
kolore bateko biribilak edo orbanak egin ahal dizkiogu
apaingarri gisa.
4. Bukatzeko, lehortzen utzi eta berriro ere alboak tolestu.

9. IRALE 2014-2015 Itzalai Alberdi Mujika
Kartoizko panpinak
ZER BEHAR DUGU?
 komuneko eta sukaldeko kartoizko tutuak.
 tenperak
 errotuladoreak
 pintzelak
NOLA EGITEN DA?
1. Kolore bat aukeratu eta tenperekin tutua margotuko dugu.
2. Lehortzen denean, errotuladore batekin aurpegiko atal
ezberdinak marraztuko dizkiogu; begiak, sudurra, ahoa, eta
abar. Nahi ditugun apaingarri guztiak marraztuko dizkiogu.
3. Marraztu ditugun apaingarriak tenperekin margotuko ditugu.

10. IRALE 2014-2015 Itzalai Alberdi Mujika
4. Lehortzen denean, beste apaingarri batzuk jarri diezazkiogu;
pegatinak, buruan jartzeko antenak…edo bururatzen zaigun
beste edozer.

11. IRALE 2014-2015 Itzalai Alberdi Mujika
KARTOIZKO KUTXEKIN EGINDAKO
ESKULANAK
MUNSTRO PILOTAJALEAREN JOLASA
Haurrei asko gustatzen zaie jolas hau, eta oso erraza da haiekin
egin ahal izateko.
ZER BEHAR DUGU?
 kartoizko kutxak
 tenperak
 guraizeak
 pintzelak
 paper zaharrak bolak egiteko
 kolorezko zinta isolatzailea
NOLA EGITEN DA?
1. Lehenik eta behin, pentsatu behar dugu nolako itxura eman
nahi diogun gure munstroari. Goiko argazkietan dituzue eredu
batzuk.
2. Behin erabaki hori hartuta, gure munstroaren ahoa marraztuko
dugu errotuladorez, kontuan izan aho horretatik sartu behar
direla botatzen ditugun pilotak.
3. Ondoren, guraizeak hartu eta markatu dugun ahoa moztuko
dugu.

12. IRALE 2014-2015 Itzalai Alberdi Mujika
4. Tenperak hartu, eta kutxa margotuko dugu aukeratzen dugun
kolorearekin.
5. Lehortzen denean, errotuladorearekin marraztuko dizkiogu
begiak, hortzak eta bururatzen zaigun guztia.
6. Ondoren, tenperak eta pintzela hartu eta marraztu ditugun
zatiak margotuko ditugu.
7. Pilotak egiteko paper zaharrak hartu eta bola forma emango
diegu. Konsistentzia izan dezan, gainetik zinta isolatzailearekin
forratuko ditugu.

13. IRALE 2014-2015 Itzalai Alberdi Mujika
ARRAUTZEN KUTXAKIN EGINDAKO
KROKODILOA
ZER BEHAR DUGU?
 arrautza-kutxak (dozenako bat eta dozena-erdiko beste
bat)
 komuneko eta sukaldeko kartoizko tutuak (bi)
 kartoi mehea;bat berdea eta beste bat zuria
 haria
 tenpera berdea
 guraizeak
 errotuladoreak
 pintzelak
 barra-kola
NOLA EGITEN DA?
1. Lehenik, tenpera berdearekin arrautza-kutxak margotuko
ditugu. Komenigarria da bi aldiz margotzea, kolorea ondo gera
dadin.
2. Kutxak margotuta dituzunean, elkartu biak hariarekin. Bi kutxek
elkarri lotuta geratu behar dute, baina kontuan izan krokodiloak
mugimendua behar duela; dozenakoa gorputza izango da eta
dozena-erdikoa burua.
3. Ondoren, hankak egingo ditugu. Moztu itzazu komuneko
tutuak erditik, eta forra itzazu kartoi mehe berdearekin.

14. IRALE 2014-2015 Itzalai Alberdi Mujika
Marraztu behatzak kartoi mehe berdean, eta itsatsi tutu
bakoitzean dagozkionak.
4. Itsatsi hanka bakoitza krokodiloaren alde bakoitzean.
5. Bukatzeko, kartoi mehe zurian begiak marraztu, margotu eta
krokodiloaren buruan itsatsi.

15. IRALE 2014-2015 Itzalai Alberdi Mujika
KARTOIZKO AKUARIO BAT
ZER BEHAR DUGU?
 esne-kaxa bat
 guraizeak
 barra-kola
 zeta-papera
 margoak
NOLA EGITEN DA?
1. Esne-kaxa bat hartu, hustu eta buelta eman.

16. IRALE 2014-2015 Itzalai Alberdi Mujika
2. Ondoren, bi leiho handi irekiko dizkiogu akuarioari.
3. Jarraitzeko, berriro tolestu eta itsatsi, baina buelta emanda.
Ikusi irudia.
4. Beheko aldean, zetazko paper zimurtua jarri.
5. Itsasoko bizilagunak marraztu paperean, ondoren margotu eta
mozteko.
6. Errealitate kutsua areagotzeko; paperezko alga batzuk jarri.

17. IRALE 2014-2015 Itzalai Alberdi Mujika
TXOTXEKIN EGINDAKO KUTXA
ZER BEHAR DUGU?
 egurrezko txotxak ( 60 kutxa bakoitzeko)
 kola gardena
 margoak
 kortxo bat
NOLA EGITEN DA?
1. Kutxa kolorezkoa edo egur kolorekoa egin dezakegu.
Kolorezkoa izatea erabakitzen badugu, lehenik eta behin
errotuladoreekin margotuko ditugu txotxak. Egokiena da kolore
bakoitzeko hamar bat txotx margotzea, uniformea gera dadin.
2. Lehenik, kutxaren oinarria egingo dugu. Horretarako; 2 txotx
jarriko ditugu, bata bestearekiko 7.5 cm-ra.
3. Ondoren, kutxaren paretak egiten hasiko gara, horretarako,
oinarriari buelta emango diogu, eta txotxak itsasten joango
gara, aldeak txandakatuz. Kutxaren paretak guk nahi dugun
altuera hartzen duen arte jarraituko dugu hau egiten.
4. Orain, tapa egingo dugu: kokatu hasieran bezala txotxa bat alde
bakoitzean, eta ondoren, txandatuz, bete bata eta bestearen
arteko hutsunea txotx gehiago itsatsiz.
5. Bukatzeko, kortxoa erditik moztu, taparen gainean itsatsi eta
prest izango duzu zure kutxa.

18. IRALE 2014-2015 Itzalai Alberdi Mujika