Recuerdos entrañables

1. ¿ ALCUERDASTE ? "Vaqueiradas del maltratu"; lletra y musica de Rafa Lorenzo (cantautor)

2. ¿Alcuérdaste de la casina de teyavana, la tsariega yal escanu onde bulito s´asentaba?

3. ¿Alcuérdaste de la pequena cuadra, con dous vacas; primeiru La Cachorra ya la Gallarda ya espueis la Roxa ya la Navarra?

4. ¿Alcuérdaste cuando bulita bendicía las fincas ya na sou oración dicía: “ Ratos ya toupus, pa la tierra lus outrus”?

5. ¿Alcuérdaste del forno que bulita arroxaba y amasaba rico pan que nel tseite nos migaba?

6. ¿Alcuérdaste del vasal onde bulita ponía los cacharros, las concas, los platos… toudu bien colocao ya cun aquellos dibuxos tan guapos?

7. ¿Alcuérdaste del fueo na tsariega? Nel caballete, los frixuelos, la tortietsa yal pote nas gamatseras?

8. ¿Alcuérdaste de la casa d´enriba con dous cuartos yal desván, dous bodegas ya la sala?

9. ¿Alcuérdaste de la cama de bulita? ¡Qué bien golía..! Peru yera tan alta, o you tan piquena que pa subime, el banquín punía.

10. ¿Alcuérdaste del cuartu onde bulito dormía la siesta yal corredorín onde secabamos las carqueixas? Dibujo de Marta

11. ¿Alcuérdaste Dito, de las cuevas que bulito te mandaba facer pa plantar las cepas? ¡Qué sudores! ¡Qué rabietas!

12. ¿Alcuérdaste? Tienen que ser tan fonderas como tú de altura. ¿Pa qué miedras tantu hermano? Tendrías que cavar menos si non fueras tan alto.

13. ¿ALCUERDASTE?

14. ¿Alcuérdaste más tarde, darreu, cociendo pa los gochos con aquel fumeiro como te choraban los güeyos?

15. ¿Alcuérdaste nena, aquel día, viniendo de las carqueixas qu´el diablo (toudos sabemos quién yera) cuyiéndute la carga díxote: ¿ónde vas cun ese niu de pega?

16. ¿Alcuérdaste que pa las fiestas, había que barrer los caminos ya tan sucia te ponías que tsueu dibas bañate al río?

17. ¿Alcuérdaste que bien lo pasábamos? Aprendías a nadar ya si non te querías tirar peor pa ti, te tiraban, te afogaban.

18. ¿ ALCUERDASTE ?

19. Alcuérdate; del nuesu pueblo, de la nuesa infancia, de la nuesa xuventú, de los días felices... ¡De los malos olvídate !

20. A TOUDOS LOS NIETOS D´AMBROSIO Cun toudu´l miou cariño Marta 11/2/09 Horreo de los abuelos, restaurado por Pili y Hannes Escrita por Marta y traducida por Rafa Lorenzo