1. Á Mesa do Parlamento
O Grupo Parlamentar da Alternativa Galega de Esquerda (EU-ANOVA) ao
abeiro do disposto no Regulamento da Cámara, a iniciativa do seu deputado Antón
Sánchez García e a través do seu portavoz Xosé M. Beiras Torrado, apresenta a
seguinte emenda á totalidade, de devolución, ao Proxecto de lei de
modificación da Lei 13/2006, do 27 de decembro, de horarios comerciais de
Galicia (doc. 2625) polos seguintes motivos:
No Grupo Parlamentar da Alternativa Galega de Esquerda consideramos que:
1) A Lei 13/2006 de horarios de Galicia é un texto lexislativo que xerou e xera
consenso no sector do pequeno comercio. As modificacións propostas non melloran
o texto orixinal.
2) Non hai demanda para unha ampliación e unha maior liberalización de horarios
nen por parte dos consumidores, como se pode observar nas enquisas do CIS
efectuadas ao respecto, nen por parte do pequeno comercio, que opina
maioritariamente que estas medidas perxudican os seus postos de traballo,
benefician ás grandes superficies, precarizan o traballo e non achegan nada en
relación a un correcto e suficiente abastecemento dos consumidores.
3) A liberalización dos horarios favorece ás grandes empresas da distribución que,
axudadas por este tipo de medidas, non só merman as vendas, senón que destrúen
emprego no comercio tradicional e de proximidade, como demostran
constantemente os datos do Instituto Nacional de Estatística sobre comercio
minorista: “En el año 2012, el Índice General del Comercio Minorista presenta una
variación del �6,8% respecto al año 2011”(INE).

2. 4) Este proxecto de modificación da Lei de horarios comerciais pretende adaptar a
dita lei á normativa básica do Estado na materia, para adaptalo ao RD 20/2012, que
invade as competencias autonómicas en materia de comercio interior como
establece o artigo 34.i.4 do Estatuto de Autonomía de Galicia.
5) Este proxecto de lei supón un paso máis no camiño contrario ao que Alternativa
Galega de Esquerda considera que é correcto, xa que a liberalización do comercio
significa a instauración da lei do máis forte, que neste caso son as grandes
empresas da distribución, que acadan cada vez unha maior cota de mercado a costa
do comercio local, un tipo de comercio máis próximo, máis sostible, que crea máis
traballo e que axuda a manter vivos os centros urbáns de vilas e cidades. Esta
modificación causa máis prexuizos que beneficios para o sector que se di que se
pretende axudar.
6) Este tipo de medidas pretende modificar os hábitos de consumo da poboación
cara un modelo máis consumista, fronte á racionalidade no consumo.
Polo tanto solicítase a devolución do Proxecto de lei de modificación da Lei 13/2006,
do 27 de decembro, de horarios comerciais de Galicia.
Santiago de Compostela, 11 de febreiro de 2013.
Asdo.: Antón Sánchez García
Deputado do G.P. da AGE
Xosé M. Beiras Torrado
Portavoz do G.P. da AGE.

3. Asinado dixitalmente por:
Xosé Manuel Beiras Torrado na data 11/02/2013 17:36:53
Antón Sánchez García na data 11/02/2013 17:37:03